كل شي عن - جهاز الشفط و التسكير

"جهاز الشفط و التسكير"

كل اللي تحتاج تعرفه بمكان واحد

سواء أول مرة تستخدم الجهاز أو مستخدمه من قبل، بهالصفحة راح نعلّمك شلون تستخدم كل دقمة، وشنو الأكل المناسب لها. وبعد، راح نورّيك شنو داخل البوكس، ونتكلم عن الرول والچياس وأحجامهم. يلا نمشي وياك خطوة بخطوة 😎

نظرة سريعة

في هذا الفيديو بنفتح البوكس، نشوف شنو ايي مع الجهاز، ونعطي نظرة سريعة قبل ما نبدأ شرح الدقم وحدة وحدة.

المقدمة

١- جاف - شفط + تسكير

الأكل الجاف هو أي أكل ما فيه سوائل ولا رطوبة، يكون ناشف بطبيعته.
هالدقمة تشفط الهوا بقوة و بعدين تسكر الچيس ، عشان تحافظ على الطعم والجودة لأطول فترة.

تستخدم لـ :

القهوة، المكسرات، العيش، كل انواع الحبوب، البقوليات، البهارات، الشاي، الخضرة و الفاكهة المجففة.

دقمة الجاف

٢- رطب – شفط + تسكير

الأكل الرطب هو أي أكل فيه سوائل خفيفة او تتبيلة، وإذا انضغط ممكن تطلع منه عصارة أو ماي.
بهالوضع، الجهاز يشفط الهوا شوي شوي عشان ما يعصر الأكل ولا يسحب السوائل و تطلع برة الچيس.

تستخدم لـ :

للحوم الدياي و السمچ المتبل و الفرش، الخضرة و الفاكهة الفرش، الأجبان و الأكل المطبوخ.

دقمة الرطب

٣- الشفط اليدوي

بهالدقمة أنت المتحكم بالشفط بيدك،
تضغط وتخلي الجهاز يشفط، وإذا وصلت للمستوى اللي تبيه توقفه وتسكّر.

"تحكّم كامل بعملية الشفط"

تستخدم :

للأكل الطري حييل، خبز و معجنات، بسكوت و كوكيز، الشيبس، و الأكل إلي يتكسر بسهولة.

دقمة الشفط اليدوي

٤- تسكير فقط

هالدقمة من أهم الدقم بالجهاز، لأن استخدامها مو بس شي واحد.
دقمة التسكير فيها أربع استخدامات أساسية
وبالفيديو نوريك شلون تستفيد من الدقمة بأكثر من طريقة حسب احتياجك.