أول ما توصلك البرمة
قبل أول استخدام، البرمة تحتاج تجهيز بسيط عشان تنظفها من أي غبار طبيعي من الفخار وتجهزها للماي.
بالفيديو بنوريك الطريقة كاملة خطوة بخطوة، من أول غسلة إلى ما تكون البرمة جاهزة للاستخدام.
برادة طبيعية؟
تقريبًا
قبل لا نتعود إن كل شي يصير بسرعة، كانت البرمة تشتغل على راحتها.
تعطي الماي وقته، وتخلي الطبيعة تسوي الباجي.
الفخارة تتنفس، ومع هالتنفس يبرد الماي شوي شوي.
مو نفس برودة الثلاجة، لكن هالبرودة كانت كافية لأهلنا سنين طويلة.
فقلنا: بدل ما نخليها ذكرى، ليش ما نرجعها بطريقة يديدة تليق ببيوت اليوم؟
ومن هني بدت قصة برمة ليوان.
💧 أهم خطوة
بعد التنظيف، عبّ البرمة ماي وخله داخلها من 6 إلى 8 ساعات.
شلون تنظف البرمة؟
بهالفيديو بنوريكم شلون تنظفون البرمة من برا ومن داخل بطريقة بسيطة وآمنة.
وأهم شي، 🚨 استخدموا مواد تنظيف طبيعية وخفيفة وابتعدوا عن المواد القوية، عشان نحافظ على الفخار وطبيعته.
منار الراشد
نقدّم لكم منار
منار هي الروح والحرفة اللي ورا برمة ليوان.
من تشكيل الطين إلى حفر أدق التفاصيل، تنصنع كل قطعة يدويًا في منار سيراميك، بوقت، وعناية، وحرفية صجية 🤎
علاقتنا مع الماي
بهالفيديو
رجعنا نسأل: ليش للحين بعض الناس متمسكين بالبرمة؟
قبل، الماي كان له رحلة
ووقت، ومكان، وعناية. ومع التطور صار يوصلنا بسهولة وفي ثواني، لدرجة إننا يمكن نسينا شوي شكثر هو نعمة ثمينة.
من الطين إلى برمة ليوان
كل برمة ليوان تنصنع يدويًا في الكويت 🇰🇼 من طين إيطالي طبيعي عالي الجودة.
تشكيل ← حفر ← تجفيف ←حرق
كل مرحلة تاخذ وقتها، وما نقدر نستعيل فيها.
وهالوقت والعناية هم اللي يعطون كل برمة بصمتها الخاصة.
"بين حرفة الأمس وصناعة اليوم، تغيّر الكثير… إلا الأشياء التي لا يصنعها إلا الوقت واليد والصبر"
رموزنا لها معنى
سعفة النخل
يرمز للصحة، العافية، والطبيعة.
مستوحى من نخلة الكويت كرمز للنقاء، الامتداد، والأصالة.
مشي العصافير
يرمز للتراث والهوية الكويتية.
مستوحى من رموز السدو الكويتي، كإشارة للحرفة والذاكرة الشعبية.
الموجة
يرمز للماي، الحركة، والبرودة الطبيعية.
مستوحى من تموّج الماء والبحر، ويعبر عن روح الانتعاش.
الفنجال
يرمز للضيافة، اللمة، وتقديم الماي.
مستوحى من الفنجال من الأعلى، كرمز للكرم والاستقبال.
