السلة
السلة فارغة
برمة ليوان برمة فخارية بسعة 6 لتر، مصنوعة يدويًا في الكويت 🇰🇼 من طين إيطالي طبيعي. سويناها بملمس خشن ومدروس يساعدها تندي وتبرّد الماي طبيعيًا.
تيي كاملة مع القاعدة، والمغطاة، والكوب، والنَّل ستانلس ستيل. إصدار محدود من 50 برمة مرقمة.
بما إن كل برمة مصنوعة يدويًا، ممكن تختلف القياسات بشكل بسيط من قطعة للثانية.
الليوان في البيت الكويتي القديم كان مكان للراحة واليمعة والضيافة، ومكان مظلل يربط البيت بالحوش. وكان الماي فيه قريب وجاهز لكل من يمر، ومن هني يا اسم برمة ليوان.
تشيل كمية ماي ممتازة، وما تحتاج تعبيها كل شوي.
عملي، قوي، ومناسب للاستخدام اليومي.
سوينا البرمة بملمس خشن ومدروس، يساعدها تندي وتبرّد الماي طبيعيًا.
تشيلها وتفضّيها بسرعة، عشان ما يتجمع الماي حول البرمة.
السعفة ترمز للصحة، والموجة ترمز للماي، والكوب والدائرة يرمزون للضيافة، أما نقشة مشي العصافير فمستوحاة من التراث الكويتي.
وكل رمز ينحفر يدويًا، وهذا اللي يعطي كل برمة بصمتها الخاصة.
بالتعاون مع منار سيراميك، سوينا الإصدار الأول من برمة ليوان يدويًا، قطعة ورا قطعة.
وعشان نحافظ على جودة كل قطعة وتفاصيلها، خلّينا هذا الإصدار محدودًا إلى 50 برمة فقط، وكل وحدة مرقمة من 01/50 إلى 50/50.
وبعد ما يخلص هذا الإصدار، ما راح يتكرر بنفس الشكل مرة ثانية. ممكن بالمستقبل ينزل إصدار يديد بلون أو تصميم مختلف، لكن هالإصدار نفسه ما راح يرجع.
"وكل بيت ياخذ وحدة، راح تكون عنده برمة مميزة برقمها وببصمتها الخاصة"
برمة ليوان
تييكم برمة ليوان كاملة مثل ما تشوفونها: البرمة بسعة 6 لتر، القاعدة، المغطاة، الكوب، والنَّل ستانلس ستيل.
جسم البرمة مصنوع يدويًا من طين إيطالي طبيعي عالي الجودة. أما القاعدة، والمغطاة، والكوب، فمصنوعين من طين أبيض وعليهم طبقة تلمع، تعطي البرمة شكل أنظف وأحدث.
ويا كل برمة، راح يوصلكم دليل يشرح طريقة التجهيز، والاستخدام، والتنظيف.
وهم سوينا لكم فيديوهات وفلوغ كامل يحكي قصة البرمة ويشرح تفاصيلها، وتقدرون تشوفونه تحت 👇🏾
